20 октябрь — ТАРИХ ИЗЛАРИДА

Тарихдаги муҳим воқеалар

🔹​ 1827 йил — Ўрта ер денгизида машҳур Наварин денгиз жанги бўлиб ўтди. Бирлашган Россия, Англия ва Франция эскадралари Усмонли-Миср флотини енгиб, Грециянинг мустақилликка эришишида ҳал қилувчи бурилиш ясади.

🔹 1943 — Тошкентдаги Ҳазрати имом мажмуасида Ўрта Осиё ва Қозоғистон мусулмонлари диний бошқармаси очилди ва Эшон Бобохон ибн Абдулмажидхон идора раиси этиб сайланди.

🔹​ 1944 йил — Иккинчи жаҳон уруши даврида Совет армияси ва Югославия партизанлари Белград шаҳрини фашистлар босқинидан тўлиқ озод қилди.

🔹 ​1973 йил — Австралиянинг Сидней шаҳрида замонавий меъморчиликнинг дурдонаси ва дунёнинг энг таниқли биноларидан бири бўлган Сидней опера театри тантанали равишда очилди.

🔹 1997 — Хива шаҳрининг 2500 йиллик юбилейига бағишланган тантанали маросим ўтказилди

🔹 ​2011 йил — Ливияда узоқ йиллар ҳукмронлик қилган Муаммар Қаззофий ўзининг туғилиб ўсган шаҳри Сирт яқинида қўлга олиниб, ўлдирилди.

Шу кунда туғилганлар

🔹 ​Артур Рембо (1854) — француз адабиётининг ёрқин вакили, символист шоир.

🔹 ​Жеймс Чедвик (1891) — инглиз физиги, нейтрон зарраларини кашф этгани учун физика бўйича Нобель мукофоти лауреати.

🔹 ​Мустай Карим (1919) — бошқирд халқ шоири, машҳур драматург ва жамоат арбоби («Ой тутилган тунда» асари муаллифи).

🔹 Одил Ёқубов (1926) – ўзбек совет ёзувчиси, давлат ва жамоат арбоби. Ўзбекистон Республикаси халқ ёзувчиси.

🔹 Calvin Cordozar Broadus Jr. (1971) (унинг саҳна номи Snoop Dogg) — америкалик репер ва медиа шахс. Snoop Dogg АҚШда 23 миллиондан ортиқ альбом сотган ва 35 миллион альбомлар дунё бўйлаб сотилган.

Халқаро байрамлар ва муҳим саналар

🔹 ​Халқаро ошпазлар куни — 2004 йилдан буён нишонланиб келинаётган ва пазандачилик санъати усталари меҳнатини шарафлайдиган халқаро касб байрами.

🔹 ​Халқаро авиация диспетчерлари куни — ҳаво ҳаракати хавфсизлигини ерда туриб тун-у кун назорат қилувчи мутахассисларнинг касбий санаси.

🔹​ Бутунжаҳон остеопорозга қарши кураш куни — суяк тўқималари мустаҳкамлиги ва таянч-ҳаракат тизими саломатлигига эътибор қаратишга бағишланган жаҳон тиббий санаси.

🔹 ​Бутунжаҳон статистика куни — ҳар беш йилда бир марта (2010 йилдан буён БМТ ташаббуси билан) нишонланадиган, тўғри маълумот ва таҳлилнинг жамият ривожидаги ўрнини таъкидловчи кун.