“Google” компанияси “YouTube Music” хизмати фойдаланувчиларига маълум бир санъаткорлар таснифи асосида ўз радиостанцияларини яратиш ва қўшиқларни ижро этиш тартибини аниқлайдиган алгоритм ўрнатиш имкониятини бера бошлади. “Radio Builder” деб номланган хусусият аллақачон баъзи тингловчилар смартфонида пайдо бўла бошлади.

Ушбу радиога “iOS” ёки Андроид иловасидаги “YouTube Music” асосий саҳифасидаги мусиқани созлаш бўлимига ўтиш орқали киришлари мумкин.

Шахсий станцияни яратишда фойдаланувчилар 30 тагача қўшиқчини белгилаши ва нафақат улардан мусиқа танлаши, балки қайси қўшиқларни ижро этишни ҳам белгилаш имконияти ҳам мавжуд: таниш, янги ёки комбинация усулида.

“YouTube” бу хусусиятни ўтган йили синовдан ўтказа бошлаган ва унинг чиқарилишини кўриш жуда ёқимли бўлади. “YouTube Music”да аллақачон алгоритмга асосланган кўплаб микслар мавжуд бўлса-да, фойдаланувчи аниқ бир нарсани тинглашни хоҳласа, лекин бутун плейлистни қўлда созлашни истамаса, ушбу станцияларга эга бўлиш жуда яхши вариантга ўхшайди.

“Google” матбуот котиби Пол Пеннингтоннинг сўзларига кўра, “Radio Builder” функцияси пуллик обуна бор ёки йўқлигидан қатъи назар, “YouTube Music” ишлаётган жойда мавжуд бўлади.

Аввалроқ, “YouTube” бош директори Сьюзан Войчицки ўз лавозимини тарк этишини маълум қилган эди. Вазиятни ҳисобга олган ҳолда “Google” корпорацияси расмийларининг ушбу қарорини оқилона юриш сифатида баҳолаш мумкин.

Қайд этиш мумкин, айнан Войчицки, “YouTube” муваффақиятга эришишини тўғри баҳолай олган. У 2006 йилда “Google” раҳбариятига видеохостингни сотиб олишни таклиф қилган. Ўшандан бери Сьюзан ушбу лойиҳага жавобгар бўлган ва 2014 йилдан бош директор лавозимида ишлаган.

• Google
• Мусиқа
• YouTube