Туринликлар “Барселона” футболчисига кўз тиккан.
“Ювентус” “Барселона”дан Мемфис Депай трансфери бўйича музокараларни қайта бошлашга тайёр.
Диарио Спорт хабарига кўра, Италия клуби аллақачон Депай трансфери бўйича музокараларни қайта бошлашга қизиқиш билдирган. Мемфиснинг “Ювентус”га ўтиши ўтган ёзда амалга ошмай қолганди.
“Ювентус” раҳбарияти Чемпионлар лигасидан чиқиб кетганидан сўнг таркибни кучайтиришни мақсад қилган, клубнинг фикрича, бу мавсумни сақлаб қола олади. “Ювентус” мавсум якунида кучли 4таликка кириш учун ҳамма нарсага тайёр.
Депай бу мавсумда “Барселона”да деярли ўйнамади. “Ювентус” бошқа клублар билан рақобатлашмаслик учун унинг трансферини имкон қадар тезроқ ташкил қилмоқчи.
Ўтган ёзда Депай “Ювентус”дан йилига 7 миллион евролик шартнома талаб қилганди. Ўшанда клуб унга бунчалик маош беришга тайёр эмас эди, аммо энди “Ювентус” унга шундай маош билан шартнома таклиф қилиши мумкин.
28 ёшли ҳужумчи жорий мавсумда “Барселона” сафида барча турнирларда учта ўйинда 131 дақиқа майдонга тушди ва битта гол урди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!