Украина президенти Володимир Зеленский мамлакат қуролли кучлари Донецк вилоятидаги Старомайорское қишлоғи устидан назоратни тиклаганини маълум қилди. Бу ҳақда Украина раҳбари ўзининг Теlegram каналида ёзди.

Зеленский Украина ҳарбийлари Старомайорское қишлоғи озод этилгани ҳақидаги видеони эълон қилди.

“35-бригада, шунингдек, “Арей” ҳудудий мудофаа баталони топшириқни бажариб, Старомайорское қишлоғини озод қилди”, – дейди ҳарбийлар видеода.

"Бизнинг жанубимиз! Бизнинг йигитлар! Украинага шон-шарафлар!", – деб ёзди Зеленский.

Ўз навбатида, Мудофаа вазири ўринбосари Анна Маляр қишлоқни тозалаш ҳақида маълум қилди.

“Ҳозир ҳимоячиларимиз аҳоли пунктини тозалашда давом этмоқда”, – деди у Теlegram каналида.

• Украина
• Зеленский