Rossiyaning Ijevsk shahri Pushkinskaya ko‘chasidagi 88-sonli maktabda otishma sodir bo‘ldi.
Rossiya Federatsiyasi Tergov qo‘mitasi ma’lumotiga ko‘ra, otishmada 13 kishi halok bo‘lgan, ulardan yetti nafari bola 20 kishi jabrlangani aytilmoqda.
Jabrlanganlar o‘qdan jarohat olgan, bir bola pichoq bilan yaralangan.
Qayd etilishicha, ta’lim muassasasi ma’muriyati otishma haqidagi ma’lumotni allaqachon tasdiqlagan. Maktab direktori yarador o‘smir bilan o‘z xonasida yashirinishga muvaffaq bo‘lgan.
Ayni paytda ta’lim muassasasidan o‘quvchilar va o‘qituvchilar evakuatsiya qilinmoqda.
Olti nafar maktab o‘quvchisi yuqori qavatlardan sakrab binodan chiqib ketishga muvaffaq bo‘lgan. Hozir ularga yordam berilmoqda. Boshqalar esa o‘zlarining sinf xonalariga kirib eshikni qulflab olishgan.
Ma’lumotlarga ko‘ra, otishma dars vaqtida boshlangan. Natsislar ramzi tushirilgan qora kostyumli noma’lum erkak sinfga bostirib kirib, xonadagilarga qarata o‘q uzgan.
Hozirda voqea joyiga favqulodda xizmatlar, shuningdek, Udmurtiya rahbari Aleksandr Brechalov yetib kelgan. Voqea bo‘yicha barcha tafsilotlarga oydinlik kiritilmoqda. Aynan kim o‘t ochgani ham aytilmagan.
Bundan tashqari, gubernatorning so‘zlariga ko‘ra, noma’lum shaxs o‘z joniga qasd qilgan. Ijevsk maktabiga politsiya va tez yordam mashinalari ham jalb qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!