Bugun, 31-oktyabr kuni Chikago tovar birjasidagi savdolarda bug‘doy fyucherslari va makkajo‘xori narxi anchagina qimmatlashdi. Chunki Rossiyaning Qora dengizdagi don eksporti bo‘yicha kelishuvidan chiqishi bozorda global yetkazib berish bo‘yicha qo‘rquvni kuchaytirdi. Bu haqda Forbes xabar berdi.

Bugungi holatga ko‘ra bug‘doy narxi 7,7 foizga ko‘tarilib, bir bushel uchun 8,93 dollarni tashkil qildi. Makkajo‘xori 2,8 foizga, soya esa 3 foizga oshdi.

“G‘alla eksporti bo‘yicha kelishuvning potentsial yo‘qolishi, don narxining yana ko‘tarilishiga olib kelishi mumkin”, deydi Endryu Uaytlou, Avstraliyaning Episode 3 konsalting kompaniyasi rahbari va asoschisi agentlikka.

Shuningdek, “boshqa davlatlar boshliqning bir qismini to‘ldiradi, ammo to‘liq emas”, deya qo‘shimcha qilgan u.

Qora dengiz mintaqasiga bug‘doy va arpa eksportining chorak qismidan ko‘prog‘i, makkajo‘xori yetkazib berishning beshdan bir qismi va kungaboqar yog‘i yetkazib berishning asosiy qismi to‘g‘ri keladi. “G‘alla shartnomasi”ning muddatidan oldin bekor qilinishi fermerlar mo‘l hosil olish uchun ishonadigan asosiy o‘g‘it eksporti yo‘nalishini ham xavf ostiga qo‘yishi mumkin.

“Rossiya Qora dengiz don yo‘lagidagi ishtirokini to‘xtatgani sababli, (bozor) bugun erta savdoda to‘lib-toshgan bo‘ladi”,–  deydi Avstraliya Hamdo‘stlik bankining qishloq xo‘jaligi strategiyasi direktori Tobin Gori.

Uning fikriga ko‘ra, bug‘doy fyucherslari “koridorni yopish xavfini” hisobga olgan holda narxni “biroz” oshirdi.

Eslatib, o‘tamiz, joriy yilning 30-oktyabr kuni Sevastopoldagi kemalarga dron hujumiga javoban Rossiya don bitimidagi ishtirokini toʻxtatdi.

Ma’lumot uchun, 2022-yil mart oyida Rossiya Ukrainaga urush boshlagandan so‘ng, bug‘doy fyucherslari rekord darajadagi yuqori ko‘rsatkichga yetib, bir bushel uchun 13,64 dollarni tashkil qildi.

• Rossiya
• Ukraina doni