28°
Kechasi 17°
Samarqand viloyatida 1-apreldan ichimlik va oqova suv xizmatlari yangi tariflari kuchga kiradi. Xalq deputatlari viloyat kengashi tomonidan 24-mart kuni ichimlik suvi ta’minoti va oqova suv xizmatlari uchun yangi narxlar tasdiqlangan.
Unga ko‘ra, bir metr kub ichimlik suvi narxi quyidagicha belgilanmoqda:
– aholi uchun — 2800 so‘m;
– byudjet tashkilotlari va ulgurji iste’molchilar uchun — 6700 so‘m.
Oqova suv xizmati:
– aholi uchun — 1900 so‘m;
– byudjet tashkilotlari va ulgurji iste’molchilar uchun — 5300 so‘m bo‘ladi.
Bunda aholi hamda byudjet tashkilotlari va ulgurji iste’molchilar uchun ichimlik va oqova suv narxlari qo‘shimcha qiymat solig‘isiz hisoblangan.
“O‘zsuvta’minot”ga ko‘ra, 2025-yilda O‘zbekiston aholisining 715 ming nafariga birinchi marta toza ichimlik suvi yetib boradi. Joriy yilda 1 619 km ichimlik suvi, 521 km oqova suv tarmoqlarini tortish, tizimdagi 162 ta inshootni qurish va rekonstruksiya qilish rejalashtirilgan.
O‘zbekistonda 2026-yilda markazlashgan ichimlik suvi bilan ta’minlanganlik 90 foizga, oqova suv xizmati bilan qamrab olinganlik darajasi 35 foizga yetkazish rejalashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
