35°
Kechasi 21°
O‘zbekiston terma jamoasi noyabr oyida Urugvay terma jamoasiga qarshi o‘rtoqlik uchrashuvi o‘tkazadi. Bu haqda Championat.asia nashri xabar berdi.
Nashrga ko‘ra, Temur Kapadze boshchiligidagi milliy jamoa noyabrdagi FIFA kunlarida Urugvayga qarshi ikkita o‘rtoqlik uchrashuvi o‘tkazadi. 1930 va 1950-yillarda Jahon chempioni bo‘lgan Urugvayga qarshi bellashuvlardan biri Toshkentda bo‘lib o‘tishi rejalashtirilgan. Ikkinchi o‘yin esa Osiyo qit’asida o‘tkazilishi ko‘zda tutilmoqda.
Avvalroq, Urugvay Futbol Federatsiyasi prezidenti Ignasio Alonso 2025-yilning noyabr oyida Urugvay Rossiyaga qarshi o‘rtoqlik uchrashuvi o‘tkazilishi mumkinligini ma’lum qilgan edi:
“Rossiyaga qarshi o‘yin noyabr oyida o‘tkazilishi mumkin. Ammo bu borada yakuniy qaror qabul qilganimiz yo‘q. Oldimizda ancha vaqt bor, tez orada o‘z qarorimizni e’lon qilamiz”, — degan u.
Ma’lumot uchun, O‘zbekiston milliy jamoasi bugunga qadar Urugvay bilan ikki bor o‘rtoqlik uchrashuvi o‘tkazgan va har ikkisida ham yirik (0:3) hisobda mag‘lubiyatga uchragan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
