UEFA Superkubogi bahsida Yevropa Chempionlar Ligasi g‘olibi hisoblangan PSJ hamda Yevropa Ligasi chempioni “Tottenhem” jamoalari o‘zaro kuch sinashdi. Italiyadagi “Blueenergy” stadionida o‘tgan uchrashuvning asosiy vaqti 2:2 hisobidagi durang bilan yakunlandi. Penaltilar seriyasida esa fransuz klubi 4:3 hisobida g‘alaba qozonib, bosh sovringa ega chiqdi.

Gollarga londonliklar safida 39 va 48-daqiqalarda Mikki van de Ven va Kristian Romero mualliflik qildi. Ikkinchi taym yakunida “o‘ziga kelgan” PSJ 85 va 90+4-daqiqalarda Li Kang In va Gonsalu Ramushning gollari bilan javob qaytardi.

O‘yin g‘olibi futbol “lotareya”sida aniqlandi. Unda PSJga omad kulib boqdi va jamoa UEFA Superkubogini Parijga olib ketadigan bo‘ldi.

• PSJ
• Tottenxem
• UEFA