Xabaringiz bor, bundan bir necha haftalar ilgari hamyurtimiz Abbos Fayzullayev yangi jamoaga ko‘chib o‘tgan edi. Ammo u hozirgacha na o‘rtoqlik va na rasmiy o‘yinlarda maydonga tushish tugul, qaydnomalarga ham kiritilmayapti. Bunga har kim o‘z o‘lchovi bilan javob berib ko‘rayotgan bir pallada taniqli jurnalist va insayder Narzulla Sa’dullayev vaziyatga aniq nima sabab bo‘layotganiga oydinlik kiritib ketdi.

“Gap shundaki Turkiya klubi hali Fayzullayevning transfer sertifikatini olmagan. Bu hujjatsiz yangi futbolchini maydonga tushirish tugul qaydnomaga ham kiritib bo‘lmaydi. 

Bu hujjatni Moskva klubidan olish uchun esa “Istanbul Bashakshehir” transfer summasini to‘liq SSKAga o‘tkazib berishi lozim. Hammasi bir-biriga bog‘liq. Tez orada qog‘ozbozlik tugaydi va Abbos o‘zini maydonda ko‘rsata boshlaydi” – deya fikr bildirgan Sa’dullayev.

• Abbosbek Fayzullayev
• Istanbul
• Terma jamoa
• Turkiya