Bugun 11-avgust haftaning boshlanishi va navbatdagi oddiy kunlardan biri. Ammo bu kun o‘zbek futboli uchun tarixdagi o‘chmas dog‘lardan biri sifatida saqlanib qolgan. Sezib turganingizdek, bu maqola nafaqat har yili ayni bir kunda, balki har qaysi paytda qayg‘u va entikish bilan yodga oladiganimiz “Paxtakor-79” haqida.

Bundan roppa-rosa 46 yil avval butun o‘zbek xalqini yuragini larzaga solgan voqea yuz beradi. Dneproderjinsk osmonida “Paxtakor” futbolchilari ham bo‘lgan TU-134 avialayneri xuddi shu rusumdagi boshqa bir samolyot bilan to‘qnashib ketadi. Natijada ikki havo laynerida bo‘lgan jami 178 kishi halok bo‘ladi.

Bu voqeaga hali-hanuz  ko‘pchilik qandaydir tashqi omillarni sabab sifatida hisoblasa-da, halokat haqidagi voqelar ketma-ketligi barcha uchun tushunarli tarzda quyidagicha bayon qilinsa maqsadga muvofiq:

Toshkent-Minsk yo‘nalishida parvoz qilayotgan TU-134 samolyotida 6 nafar ekipaj a’zosi bor bo‘lgan. Bosh uchuvchi hisoblangan Sergeyev o‘z o‘rniga yosh va hali ancha tajribasiz hisoblangan N. Jukovskiyni tayinlaydi. O‘sha kun xotirlanishicha, ob-havo ham uncha yaxshi bo‘lmagan. Havo ancha bulutli va ko‘rish masofasi juda qisqa edi. Moskvadan soat 13:11 larda havoga ko‘tarilgan TU-134 layneri 13:35 da aynan shunday rusumli samolyot bilan to‘qnashib ketadi.

Har ikki samolyot uchuvchilari qalin bulut tufayli qarshisidagi samolyotni ko‘rish imkoniyatiga ega emasdi. 8300 metr balandlikda Moldova samolyoti Minskka qarashli samolyotning qanot qismiga kelib urilgan. Komarov “Paxtakor” uchayotgan layner boshqaruvini 4500 metr balandlikkacha germetizatsiya buzilgan holatda ham ushlab turgan, biroq shundan keyin samolyot keskin ravishda qulashni boshlagan.

Halokat haqida ilk bor o‘sha payt havodagi  AN-2 samolyoti ekipaji xabar beradi: “Kurilovka hududida qulayotgan samolyot qismlari ko‘zga tashlanmoqda. Menimcha, bu TU-134 parchalari”

Ushbu halokatdan juda ko‘pchilik o‘zini yo‘qotib qo‘ygan. Chunki o‘sha mavsumda “Paxtakor” ishonchli o‘yin ko‘rsatib, yuqori o‘rinlardan joy egallashga haqli ekanligini isbotlab kelayotgandi. Hatto, ba’zi mutaxassislar jamoaning yaqin yillar ichida yevrokuboklarda o‘ynashi mumkinligi to‘g‘risida taxmin qilayotgandi.

Bu voqea haqida juda ko‘p va ho‘p gapirish mumkin. Ammo hech bir tasalli, hech bir yupanch dardlarga tasalli bo‘la olmaydi. Lekin, osmonda qolgan abadiy yulduzlar qalblarda mangu yashaydi.

Shu o‘rinda o‘sha fojia sabab halok bo‘lgan “Paxtakor”ning 17 nafar a’zosini nomlarini keltirsak:

Idgay Tazetdinov  13.01.1933 Murabbiy

Vladimir Chumakov  08.12.1932 Shifokor

Mansur Tolibjonov 04.04.1944 Ma’mur

Mixail An 19.11.1952 Yarim himoyachi

Vladimir Fyodorov  05.01.1956 Hujumchi

Olim Ashirov   25.01.1955 Himoyachi

Ravil Agishev   14.03.1959 Himoyachi

Konstantin Bakanov 25.05.1954 Yarim himoyachi

Yuriy Zagumennix  07.06.1947 Himoyachi

Aleksandr Korchyonov  04.05.1949 Yarim himoyachi

Nikolay Kulikov  25.04.1953 Himoyachi

Vladimir Makarov  09.03.1947 Yarim himoyachi

Sergey Pokatilov 20.12.1950 Darvozabon

Viktor Churkin   25.01.1952 Hujumchi

Sirojiddin Bozorov  10.08.1961 Hujumchi

Shuhrat Eshbo‘tayev  08.02.1959 Hujumchi

                                                                                       Maqola muallifi: Humoyunmirzo Ergashev

• Aviahalokat
• Paxtakor
• Toshkent
• Xotira