Isroilning G‘azoga uyushtirgan hujumlari oqibatida halok bo‘lganlar soni oxirgi 24 soat ichida 38 kishiga ortib, 64 ming 756 nafarga yetdi.

Isroil armiyasi, falastinliklarni qochishga majbur qilish maqsadida G‘azo shahridagi turar-joy va ko‘p qavatli binolarni nishonga olgan hujumlarini davom ettirmoqda.

Isroil qo‘shini G‘azo shahrining g‘arbidagi Abu Rasas binosini nishonga olib vayron qildi va shaharning shimoli-g‘arbidagi Kerame tumanidagi “Tower 5” deb nomlangan ko‘p qavatli binoning yuqori qavatlarini bombardimon qildi.

Isroilning G‘azoga uyushtirgan hujumlari oqibatida halok bo‘lganlar soni oxirgi 24 soat ichida 38 kishiga ortib, 64 ming 756 nafarga yetdi.

“Chegara bilmas shifokorlar”: Biz G‘azoda tasavvur qilish mumkin bo‘lgan eng yomon gumanitar va tibbiy vaziyatga erishdik

Isroil bosqin rejasini boshlaganini va G‘azodagi 360 nuqtaga hujum uyushtirganini e’lon qilgandi. Shuningdek, Isroil armiyasi G‘azo shahri g‘arbidagi Nasr mahallasidagi ko‘p qavatli Ayish binosini buzib tashlagan.

Guvohlarning ma’lumotiga ko‘ra, Isroil shiddatli hujumlar bilan Ayish binosini nishonga olgan va yaqin atrofda joylashgan “Abu Dan” oilasiga tegishli uyni ham vayron qilgan.

G‘azo shahrida Isroil armiyasi hujumdan oldin yuzlab ko‘chirilgan falastinliklar joylashgan binolar uchun kun davomida evakuatsiya qilish haqida ogohlantirishlar berib, tinch aholi orasida vahima uyg‘otgan.

Isroil falastinliklarni qochishga majbur qilish uchun G‘azodagi binolarga hujum qilayotgani bildirildi.

 “Bosqinchi kuchlar Isroil G‘azo shahridagi turar-joylarni, ayniqsa tinch aholi zich yashaydigan hududlarni beqarorlashtirishga harakat qilmoqda. Ayrim uylar va turar-joylarni ataylab bombardimon qilmoqda, aholini ular yashayotgan fojiali gumanitar sharoitlarga e’tibor bermay, G‘azo sektorining markaziy va janubiy qismlariga qochishga majbur qilmoqda”,–  deyiladi xabarda.

• Falastin
• Isroil
• Urush