Oq uy Trampning tarafdori Charli Kirk o‘ldirilgandan so‘ng, hukumat a’zolari uchun kuchaytirilgan tarzdagi xavfsizlik kerak deb hisoblamoqda.

Donald Trampning tarafdori Charli Kirk o‘ldirilganidan so‘ng Oq uy rasmiy shaxslar xavfsizligini kuchaytirish uchun Kongressdan 58 million dollar so‘radi. Bu haqda “Bloomberg” nashri xabar bermoqda.

Agentlikning ma’lumotiga ko‘ra, ushbu mablag‘ni ajratish 30-sentyabrga qadar ko‘rib chiqilishi kutilmoqda. Shuningdek, bu summa zarurat tug‘ilganda kongressmenlarning ham xavfsizligini ta’minlash xarajatlarini qoplashga mo‘ljallangan.

Donald Trampning ta’sirli ittifoqchisi, konservativ faol Charli Kirk 10-sentyabr kuni Yuta shtatidagi universitetda chiqish qilayotgan vaqtida suiqasd qurboni bo‘lgan edi. Uni qo‘shni binoning ko‘rish imkoniyati ancha yaxshi hisoblangan nuqtasidan snayper qotil otib o‘ldirgan edi.

• Jahon
• Kongress
• Oq uy
• Siyosat