Eron hududidan Isroil hududiga qarata raketalar uchirilgan. Ushbu ma’lumotni Isroil Mudofaa vazirligi tasdiqladi.

Ma’lum qilinishicha, havo hujumidan mudofaa tizimlari tahdidni yo‘q qilish ustida ishlamoqda. So‘nggi daqiqalarda Isroil Mudofaa vazirligining xavfsizlik bo‘limi tegishli hududlardagi mobil telefonlarga oldindan ogohlantirish xabarlarini tarqatgan.

Jamoatchilikdan hayotlarini saqlab qolish uchun mas’uliyatli bo‘lish va ko‘rsatmalarga amal qilish so‘ralmoqda.

“Ogohlantirish olgan taqdirda himoyalangan xonaga kirish va yangi bildirishnoma kelguniga qadar shu yerda qolish zarur. Himoyalangan xonadan chiqish faqat aniq ko‘rsatma berilgach mumkin, va Mudofaa vazirligi xavfsizlik bo‘limi ko‘rsatmalariga rioya qilishda davom etish lozim”, – deyiladi xabarda.

• Eron
• Havo hujumi
• Isroil