Ovoz berish jarayonlari 20-martga qadar davom etadi.

Iqtisodiyot va moliya vazirligining ma’lum qilishicha, “Tashabbusli byudjet” jarayonlarining 2025-yilgi 1-mavsumi 1-fevraldan boshlanib, 20-martga qadar davom etadi.

Bunda:

Loyiha kiritish bosqichi — 1–20 fevral;

Saralash bosqichi — 21 fevral–7-mart;

Targ‘ibot bosqichi — 8–10-mart;

Ovoz berish bosqichi — 11–20-mart kunlari o‘tkaziladi.

Joriy yildagi 1-mavsum g‘oliblari 21-mart — Navro‘z bayrami kuni e’lon qilinadi.

Avvalroq, Senat Kengashining qarori bilan, “Tashabbusli byudjet” jarayonini o‘tkazish bo‘yicha amaldagi tartibga tegishli o‘zgartirishlar kiritilgandi. Qarorga ko‘ra, har yili tuman va shahar byudjetidan 10 tadan kam bo‘lmagan, ko‘pi bilan 30 ta loyiha uchun yetarli mablag‘ ajratilishi belgilangan. Bunda, 10 tadan ortiq loyiha uchun mablag‘lar tuman yoki shahar aholisining tegishli hududdagi ulushidan kelib chiqib taqsimlanadi.

• Loyiha