Amerikaning “Orbital Assembly” kompaniyasi 2025 yilga qadar Yer orbitasida sayyohlar uchun mehmonxona va ilmiy tadqiqotlar oʻtkazish stansiyasini qurishi haqida maʼlum qildi.

Maʼlumotlarga koʻra, stansiya bir vaqtda oʻz ichiga 28 nafar sayyohni sigʻdira oladi, ular diametri 61 metrga teng keluvchi va halqa boʻylab joylashtirib chiqilgan 5 ta modul ichida yashaydilar. Modullar aylanish hisobiga sunʼiy gravitatsiya hosil qiladi.

“Pioneer” mehmonxonasi Yer orbitasida qurilishi rejalashtirilayotgan ikkita tijoriy stansiyaning birinchisi boʻladi. Ikkinchi stansiya esa 400 ta kosmik sayyohga moʻljallanadi.

“Bizning stansiya – xavfsiz va ishonchli modulli konstruksiya boʻlib, NASA bilan shartnoma imzolagan raqobatchilarimizning stansiyalaridan oldinroq daromad keltira boshlaydi”, deydi ”Orbital Assembly” kompaniyasi direktori Ronda Stivenson.

Ushbu stansiyalar qurib bitirilganidan keyin XKSning oʻrnini egallaydi. XKS 2030-yilda oʻz ish faoliyatini tugatadi. Olimlar uni Tinch okeani tubiga choʻktirishni rejalashtiryaptilar.

• Koinot
• ilm-fan
• qiziqarli
• tadqiqot