Yevropa kosmik agentligi (ESA) qoshidagi Yerga yaqin obyektlarni muvofiqlashtirish markazi xavflar ro‘yxatiga 2023DW kod nomini olgan yangi fazoviy jismni qo‘shib qo‘ydi. Bu 2046-yil 14-fevralda Yer bilan to‘qnashishi mumkin bo‘lgan asteroiddir. Qayd etilishicha, uning diametri 49,29 metr bo‘lib, u olimpiya suzish havzasi hajmiga teng.

To‘qnashuv xavfi 625 tadan 1 tani tashkil etadi, bu olimlar standartlari bo‘yicha juda yuqori ehtimollik hisoblanadi. Endilikda markazning potensial tahdidlari ro‘yxatida 1449 ta obyekt mavjud bo‘lib, 2023DW ular orasida o‘ninchi va kattaligi bo‘yicha 200 ta ehtimoliy to‘qnashuv ro‘yxati bo‘yicha birinchi o‘rinda qayd etilgan.

Hozircha asteroidning aniq shakli noma’lum. Bundan tashqari, tadqiqot yaqinda boshlandi, kelajakda orbita bo‘yicha aniqroq hisob-kitoblar Yer bilan aloqa hozirda taxmin qilinganidan kamroq ekanligini ko‘rsatishi ham mumkin.

Bundan tashqari, 50 metrli 2023DW to‘qnashuvda halokatli zarar yetkazish uchun yetarlicha katta, deb hisoblanmaydi. Ammo agar xavf hali ham mavjud bo‘lsa, NASA yoki boshqa agentliklar asteroid orbitasini o‘zgartirish va to‘qnashuvning oldini olish uchun DART kabi tizimlardan foydalanishi mumkin.

Qayd etish mumkin, DART tizimlari okean tubidagi sunamidan o‘tgan bosim o‘zgarishlarini sezish va bu o‘zgarishlarni tabiiy ofat haqida ogohlantirish markazlariga yetkazish uchun mo‘ljallangan tizim. Har bir DART tizimi okean tubiga o‘rnatilgan pastki bosim qayd qiluvchi qurilmadan va alohida bog‘lab qo‘yilgan yo‘ldosh sirtidan iborat.

Avvalroq, Amaliy matematika instituti (IPM) o‘lchami 800 metr, deb taxmin qilingan asteroid Yerga yaqinlashgani xabar qilingan.

O‘shanda olimlar asteroidni kuzatish, uning aniq trayektoriyasi va shunga mos ravishda o‘rta muddatli istiqbolda Yer uchun xavf darajasini aniqlash rejalashtirilgandi.

• AQSh
• Asteroid
• NASA
• Olimlar