31°
Kechasi 18°
Vizasiz tartibda Rossiyaga kelayotgan chet el fuqarolari 30-iyundan boshlab “Gosuslugi RuID” mobil ilovasi orqali oldindan ro‘yxatdan o‘tishi va QR-kod olishi shart bo‘ladi.
Ma’lum qilinishicha, QR-kodni chegaradan o‘tishda taqdim etish talab etiladi.
Ro‘yxatdan o‘tish uchun:
– shaxsiy kabinet yaratish;
– fotosurat va shaxsiy ma’lumotlarni yuklash;
– Rossiyada bo‘lish muddatini ko‘rsatish kerak.
Ariza safardan kamida 72 soat oldin berilishi lozim. Agar kelish zarurati to‘satdan (masalan, og‘ir kasallik yoki yaqin qarindosh vafoti) paydo bo‘lsa, arizani 4 soat qolganda ham topshirish mumkin.
Quyidagilar ro‘yxatdan o‘tishdan ozod qilinadi:
– Belarus fuqarolari;
– 6 yoshgacha bo‘lgan bolalar;
– viza, vaqtinchalik yoki doimiy yashash ruxsatnomasiga ega shaxslar.
6 yoshdan 18 yoshgacha bo‘lgan bolalar uchun arizani ularning ota-onalari yoki qonuniy vakillari topshiradi — ularda ham shaxsiy ro‘yxatdan o‘tish kodi bo‘lishi shart.
Ushbu talab Rossiya hukumatining 2025-yil yanvardagi qarori bilan tasdiqlangan. O‘tgan yilning 1-dekabridan boshlab chet elliklar va fuqaroligi bo‘lmagan shaxslar Rossiya chegarasini kesib o‘tish uchun Moskva va Moskva viloyati xalqaro aeroportlarida, shuningdek, Orenburg viloyatidagi “Mashtakovo” avtomobil nazorat-o‘tkazish punktida barmoq izlari va yuz tasvirini topshirayotgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
