2024-yil holatiga ko‘ra, Afg‘oniston aholisi 34,9 million kishini tashkil etadi, ulardan 51 foizi erkaklar va 49 foizi ayollardir. Bu haqda Afg‘oniston Milliy statistika va axborot boshqarmasi (NSIA) vakili Muhammad Halim Rafi ma’lum qildi.
NSIA mamlakat hukumatiga 2025-yilda aholini ilmiy va kompleks ro‘yxatga olish rejasini taqdim etdi. Buning uchun bizga xalqaro tashkilotlarning
bevosita va moliyaviy ko‘magi kerak, dedi Rofiy.
2021-yilda BMT Aholishunoslik jamg‘armasi ma’lumotlariga ko‘ra, mamlakatdagi afg‘onlar soni 39,8 million kishini tashkil qilgan. Shunday qilib, uch yil ichida aholi deyarli 5 millionga kamaydi. NSIA, shuningdek, tashqi savdo ma’lumotlarini ham e’lon qilgan. Afg‘oniston fevral oyida 134 million dollardan ortiq mahsulot eksport qilgan. Uning asosiy qismi Pokiston, Hindiston va Birlashgan Arab Amirliklariga jo‘natilgan. Eksport hajmi o‘tgan oyga nisbatan 42,6 million dollarga oshgan. Fevral oyida mamlakat importi 793,5 million dollarni tashkil etgan, tovarlar asosan Eron, Xitoy va Pokistondan keltirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!