Aktrisa Dilnoza Kubayeva “Baron-2 Sogʻinch” filmidagi roli uchun 321 ming soʻm gonorar olganini ochiqladi. Ijodkor bunday munosabatdan ranjigan.

“Filmda siz rol ijro etgan sahnalar juda ham kam kabi vajlar bilan 321 ming soʻmdan oshiqroq gonorar oldim. Shu narsa meni 1 oydan beri ichimni yeydi. Nahotki?! Shunda ham bizlar kinoni yaxshi koʻramiz, baribir kino deymiz. Ammo uyaldim, qadrimga achindim”, deydi aktrisa.

Ijodkorning aytishicha, gonorar kamligi tufayli film rejissyori Rustam Saʼdiyevga eʼtiroz bildirgan, ammo hech qanday ijobiy oʻzgarish boʻlmagan.

Maʼlumot uchun, Dilnoza Kubayeva “Baron” va “Baron-2” filmlarida bosh qahramonning rafiqasi rolida koʻrinish bergan.

• Kino
• ijod
• mashhurlar