Rejissyor Jeyms Kemeron muallifligidagi “Avatar: Suv yoʻli” filmidan olingan yangi kadrlar eʼlon qilindi. Ularda taniqli aktrisa Keyt Uinsletni koʻrish mumkin.

Aktrisa mazkur filmda naʼvi qabilasining sardori, jangchi Roneyl rolini ijro etgan U “Avatar-2” filmidagi asosiy qahramonlardan biri hisoblanadi.

“Roneyl qoʻrqmas yetakchi va oʻz odamlariga sodiq inson. U kuchli jangchi. Qarshisida jiddiy xavf turgan bir vaqtda homilador holatida oʻz xalqi bilan urushga yoʻl oladi, oʻzi uchun qadrli narsalar uchun kurashadi”, deydi Keyt Uinslet qahramoniga taʼrif berar ekan.

Rejissyor Jeyms Kemeron aktrisa Keyt Uinslet bilan “Titanik” filmida ham birga ishlagan.

Eslatib oʻtamiz, “Avatar: Suv yoʻli” filmining taqdimoti 2022-yilning 15-dekabr kuniga rejalashtirilgan.

• Kino
• mashhurlar