Gollivud yulduzi Anjelina Joli o‘zining shaxsiy modalar uyiga asos solmoqda. Ijodkor bu haqda ijtimoiy tarmoqdagi sahifasida ma’lum qilgan.

“Bugun men har bir a’zosi ijod qilishi mumkin bo‘lgan jamoa bilan yangi ish boshlayapman. “Atelier Jolie” –  ijodkor insonlar malakali tikuvchilar, bichuvchilar va butun dunyodan kelgan ustalar bilan hamkorlik qiladigan maskan. Bunga men uzoq yillar davomida birga ishlagan tikuvchi va ustalarga bo‘lgan chuqur hurmatim hamda o‘zlikni anglash harakatining bir qismiga aylanish istagim sabab bo‘ldi”, – deydi Joli.

Ma’lumotlarga ko‘ra, “Atelier Jolie” boshqa moda uylariga o‘xshamaydi. Bu yerda mijozlar liboslar dizaynini o‘zlari yaratishadi, tikuvchilar esa ularning g‘oyalarini amalga oshirishga yordam beradilar. Liboslarning barchasi qadimiy va oliy sifatli matolar tikiladi.

• Kino
• Madaniyat
• mashhurlar