Taniqli aktyor Aziz Rametov otasi Jumadulla Rametovning Altsgeymer kasalligiga chalinganini maʼlum qildi. Aktyor ayni vaqtda xastalikning ikkinchi bosqichini boshdan kechirmoqda.

Aziz Rametovning aytishicha, kasallik haqida bundan ikki yil avval xabar topganlar. Jumadulla Rametov maʼlum vaqtga xotirasini ham yoʻqotgan.

“Bularning barchasi asabdan boʻldi. Havo isiy boshlagani tufayli kasallik kuchaymoqda”, dedi Aziz Rametov.

Maʼlumot uchun, Altsgeymer kasalligi dementsiyaning keng tarqalgan turi boʻlib, bunda bosh miya oʻz vazifalarini bajarish qobiliyatini yoʻqotadi. Kasallik xotira bilan bogʻliq muammolarni keltirib chiqaradi. Ming afsuski, Altsgeymer kasalligining davosi mavjud emas.

• Kino
• San’at
• mashhurlar