Alek Bolduin tomonidan “Zang” filmini suratga olish vaqtida tasodifan otib qoʻyilgan operator ayol – Galina Xatchinsning otasi Anatoliy Androsovich film prodyuseri boʻlgan va unda aktyor sifatida ham ishtirok etayotgan Bolduinni qizining oʻlimida qisman aybdor deb bilishini maʼlum qildi.

“Alekning xatti-harakatlarini tushuna olmayapman. Nima uchun falokat repetitsiya vaqtida sodir boʻlgani aniqlashgach, barcha tvitlarini oʻchirib tashladi? U tayyorgarlik ishlari vaqtida nima uchun oʻt ochdi? Revolver – shunday qurolki, u tepki bosilmasa oʻq otmaydi, Alek ushbu fojiani sodir etishda qisman aybdor”, dedi marhumaning otasi.

Uning fikricha, Bolduin tepkini bosgani aniq va u qizining oʻlimi uchun “qisman javobgarlik”ni boʻyniga olmayapti.

Eslatib oʻtamiz, joriy yilning 21-oktyabr kuni “Zang” filmini suratga olish vaqtida aktyor Alek Bolduin operator Galina Xatchinsni tasodifan otib qoʻygan, natijada operator halok boʻlgandi.

• Kino
• mashhurlar