Amerikalik aktyor Alek Bolduin “Zang” filmining prodyuserlarini sudga berdi. Mahalliy nashrlarning yozishlaricha, aktyor shu yoʻl orqali “Galina Xatchinsning oʻlimi uchun javobgarlikni oʻz boʻynidan soqit qilishga urinyapti”.
Bolduin operatorga oʻq tegishi bilan bogʻliq fojia sodir boʻlgan vaqtda oʻqotar qurol xavfsizligi uchun javobgar boʻlmaganini tinmay takrorlamoqda. Shuningdek, daʼvo xatida aktyorning Xatchins oilasi bilan til topishishga harakat qilgani ham aytilgan. Misol uchun, ijodkor operatorning turmush oʻrtogʻi va oʻgʻliga badal toʻlash tashabbusi bilan chiqqan, suratga olish guruhidan ishni toʻxtatishni iltimos qilgan va bu orqali marhumaga oʻz hurmatini izhor qilmoqchi boʻlgan.
Eslatib oʻtamiz, Alek Bolduin tomonidan tasodifan otib qoʻyilgan operator Galina Xatchinsning turmush oʻrtogʻi Metyu Xatchins va uning 9 yoshli oʻgʻli ham aktyor va suratga olish guruhini sudga bergan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!