“Oskar” kino sanoatining eng iqtidorli mutaxassislarini taqdirlashga qaratilgan eng muhim sovrindir. G‘oliblar 24 ta toifada tanlab olinadi, shulardan biri eng yaxshi kostyum dizayni uchun mukofotdir. Bu yo‘nalish uchun birinchi “Oskar” 1949-yilda berilgan. Shuningdek, “Oskar” tarixida sahna kostyumlari uchun mukofotni qo‘lga kiritgan bir nechta dizaynerlarni keltirib o‘tamiz.

1.Rayan Kuglerning “Qora pantera” filmi uchun tikilgan liboslar

Liboslar dizayner Rut Karter tomonidan yaratilgan bo‘lib, u “Eng yaxshi kostyum dizayni” yo‘nalishida “Oskar”ni qo‘lga kiritgan birinchi afro-amerikalik ayol bo‘ldi. Murakkab va noodatiy kostyumlar bilan bir qatorda 3D bosib chiqarish texnologiyasidan foydalangan holda yaratilgan yoqa va toj alohida e’tirofga sazovor bo‘lgan.

Kostyumlarning bichimida an’anaviy Afrika qabilalarining bosh kiyimlari va liboslaridan ilhomlanilgan.

2. Piter Jeksonning “Uzuklar hukmdori: Qirolning qaytishi” filmi uchun tikilgan liboslar

Ngila Dikson va Richard Teylor tomonidan yaratilgan ushbu kastyumlar juda uzoq va mashaqqatli izlanishlarning samarasi bo‘lgan. Ularning aytishicha, dizaynerlar birgalikda 20 dan ortiq mukofotlarga nomzod bo‘lishgan.

3. Ues Andersonning “Grand Budapesht mehmonxonasi” filmi uchun tikilgan liboslar

Italiyalik liboslar dizayneri Milena Kanonero tomonidan yaratilgan ushbu kastyumlar ustida ishlashda Fendi va Prada kabi moda gigantlari bilan hamkorlik qilingan. Ushbu kostyumlarni ajratib turadigan element diqqat bilan tanlangan ranglar palitrasidir. Ko‘zni qamashtiruvchi kiyim va har bir qahramonning xarakterini aks ettirish qobiliyati Kanoneroga navbatdagi “Oskar”ni taqdim etdi.

4. Tim Bertonning “Alisa mo‘jizalar mamlakatida” filmi uchun tikilgan liboslar

Liboslar dizayner Kollin Atvud tomonidan yaratilgan bo‘lib, bu ijodkor bir qancha boshqa muvaffaqiyatli filmlarda ham ishlagan. Fimda ko‘zni qamashtiruvchi kostyumlar barobarida grimga ham alohida e’tibor qaratilgan. Kiyimlar qahramonlarning “g‘alatiligini” ifodalash uchun yaratilgan. “Oddiy” bo‘lib qolgan yagona kostyum Elisning kiyimi edi, chunki u “zamonaviy” qahramon hisoblangan.

5. Jeyms Kemeronning “Titanik” filmi uchun tikilgan liboslar

Ushbu filmdagi liboslar dizayneri Debora Lin Skott o‘tgan asrni tasvirlash uchun bor kuchini sarflagan. Dizayner qahramonlarning xarakterini alohida o‘rganib, o‘sha davrga oid film va kitoblarni ko‘zdan kechirib chiqadi. Filmdagi uchinchi toifali yo‘lovchilar esingizdami? Bu toifada har xil millat vakillari qatnashgani uchun ularning qadriyat va an’analarini o‘rganib, libos tikish zarurati tug‘ilgan. Balki shuning uchun ham kastyumlar “Oskar”ga loyiq ko‘rilgandir.

• qiziqarli