Britaniya pandemiyada sotib olingan koronavirusdan himoya vositalarini yo‘q qildi. Bu haqda BBC NEWS xabar berdi.

COVID-19 pandemiyasi davrida Britaniya hukumati shifokorlar uchun himoya kiyimlarini va keyinchalik hisobdan chiqarilgan yoki yo‘q qilingan boshqa shaxsiy himoya vositalarini (PPE) sotib olishga qariyb 1,5 milliard “ortiqcha” funt sterling sarflagan.

Britaniya matbuoti allaqachon ushbu shartnomani “Covid davrida eng ko‘p isrofga olib kelgan davlat buyurtmasi”deb atagan.

BBC ma’lumotlariga ko‘ra, Britaniya sog‘liqni saqlash vazirligi tomonidan Full Support Healthcare (FSH) xususiy kompaniyasidan sotib olingan kamida 1,57 milliardlik himoya vositalari tibbiyot xodimlariga hech qachon kerak bo‘lmagan.

Qayd etilishicha, FSH bilan 1,78 milliard funt sterlinglik himoya niqoblari, respiratorlar, ko‘zni himoya qilish vositalari va gigiyenik fartuklar yetkazib berish bo‘yicha shartnoma 2020-yil aprel oyida koronavirusning tez tarqalishi va u bilan bog‘liq o‘limlar sonining ko‘payishi natijasida yuzaga kelgan umumiy tashvish cho‘qqisida tuzilgan edi.

Shuningdek, bu butun pandemiya davrida eng yirik shartnoma bo‘lgan.

Bu Covid pandemiyasining ikki yillik davrida Britaniyaning ushbu maqsadlar uchun budjet xarajatlarining taxminan 13 foizini tashkil etgan. 2020-yilgacha bo‘lgan o‘rtacha yillik daromadidan minglab baravar ko‘pdir.

BBC tergovi shuni ko‘rsatdiki, FSH tomonidan shartnoma asosida yetkazib berilgan 2,02 milliard PPE birligidan atigi 232 millioni davlat shifoxonalari va boshqa sog‘liqni saqlash muassasalariga yetib borgan.

Deyarli 750 millionga sotib olingan buyumlar allaqachon yoqib yuborilgan yoki boshqa yo‘l bilan yo‘q qilingan, yana 825 millioni esa deyarli yo‘q qilinishi va qayta ishlanishi kerak bo‘lgan ortiqcha zaxiralar deb tan olingan.

• Britaniya
• COVID-19