Ozarbayjon Prezidenti Ilhom Aliyev, Xankendi shahrida 3-Shusha Global Media Forumi ishtirokchilari bilan uchrashib, mintaqaviy va global voqealarni baholadi.

Uchrashuv davomida Ukraina va Rossiya o‘rtasidagi urushga to‘xtalib o‘tgan Aliyev, ukrainaliklarga “Hech qachon ishg‘olni qabul qilmaslikni” tavsiya qildi.

Ozarbayjonning Qorabog‘ning ishg‘ol qilinishini hech qachon qabul qilmaganini ifoda etgan Aliyev, og‘ir kunlarni boshidan o‘tkazib, asta-sekin o‘ziga kelganini, lekin oqibatda qadimgi yerlarni ishg‘oldan ozod qilganliklarini aytdi. Aliyevning ta’kidlashicha, Yevropada Xavfsizlik va Hamkorlik Tashkiloti (YXHT)ning AQSh, Rossiya va Fransiya hamraisi bo‘lgan Minsk guruhi muammoni hal qilish ustida ishlamayapti, balki uni avvalgidek qoldirishga harakat qilmoqda.

U shunday dedi: “Ular bizni vaziyatga rozi bo‘ling, deyishdi. Biz “yo‘q” deb aytdik. Biz 2020-yilda 44 kun ichida yangi voqelikni yaratdik va ular buni qabul qilishlari kerak edi, ukrainaliklar taslim bo‘lmasliklari va hech qachon o‘zlarining hududiy yaxlitligi buzilishini qabul qilmasliklari kerak”, — dedi Aliyev.

• Ilhom Aliyev
• Ozarbayjon