Ekvadorning Amazonka o‘rmonlarida kamida 2500 yil bo‘lgan qadimiy aholi punktlari xarobalari topildi. Bu haqdagi tadqiqot Science jurnalida maʼlum qilindi.
Bu kashfiyot Fransiya Milliy ilmiy tadqiqot markazi (SNRS) xodimi Stefan Rostaing boshchiligidagi arxeologlar guruhi tomonidan Amazon o‘rmonini keng ko‘lamli o‘rganish chog‘ida aniqlangan. Lazerli skanerlash texnologiyasidan foydalangan holda ko‘plab binolar topildi. U yerning ulkan hududlarini o‘rganish va oddiy sharoitda sezish qiyin bo‘lgan yashirin inshootlarni aniqlash imkonini tug‘ildi, deb xabar beradi lifehacker.ru.
LIDAR yashirin dafnlarni va keng yo‘llar tarmog‘ini ko‘rdi. Ular bir vaqtlar drenaj kanallari bo‘lgan qishloq xo‘jaligi dalalari bilan o‘ralgan edi. Olimlarning taʼkidlashicha, bu Amazonkada topilgan urbanizmning eng qadimgi va eng katta namunasidir.
U har biri o‘z maydoniga ega bo‘lgan har xil kattalikdagi kamida 15 ta alohida aholi punktlaridan iborat edi. Ularda miloddan avvalgi 500 yillarda mavjud bo‘lgan Upano xalqining vakillari yashagan.
Barcha shaharlar uzoq yo‘llar bilan bog‘langan, bu ularni ulkan metropolga aylantirgan. Eng yirik qadimiy marshrutlarning kengligi 10 metr, uzunligi esa 10-20 kilometr.
Aholi punktlaridagi inshootlar tuproq va loydan qilingan, chunki Amazonkada toshlarni, ayniqsa, bunday o‘lchamdagi toshlarni topish qiyin. Hammasi bo‘lib, olimlar 6000 ga yaqin inson tomonidan yaratilgan qo‘rg‘onlarni sanashdi, ulardan baʼzilarining uzunligi 150 metr va balandligi 8 metrga yetadi.
Olimlarning fikricha, metropoliya aholisi kamida 10 000 kishi edi. Va eng yuqori cho‘qqisida, ehtimol, 15 000 yoki 30 000. Buni xuddi shu davrda mavjud bo‘lgan Rim imperiyasi davridagi London aholisi soni bilan solishtirish mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!