Amerikalik shifokorlar qondagi xolesterin miqdorini kamaytirish uchun yordam beradigan eng yaxshi ikki mahsulot – yogʻli baliq va sarimsoq ekanligini maʼlum qilishdi.

Mutaxassislarning aytishlaricha, tarkibida omega-3 kislotasi saqlanuvchi losos, skrumbiya, sardina kabi baliq turlari qondagi triglitseridlar miqdorini kamaytira oladi. Bu esa oʻz navbatida tromblar hosil boʻlishining oldini oladi.

Shuningdek, omega-3 “yomon” xolesterin miqdorini ham keskin kamaytiradi. Shifokorlar baliqning ushbu turlarini bir haftada ikki marta isteʼmol qilishni maslahat berganlar.

Sarimsoq esa tarkibidagi allitsin moddasi sharofati bilan xolesteringa qarshi kurashadi.

Mutaxassislar hamisha sogʻlom boʻlish va qondagi xolesterin miqdorini nazorat ostida ushlash uchun koʻproq sabzavot hamda mevalar isteʼmol qilish kerakligi, jismoniy faollikka ham beeʼtibor boʻlmaslik lozimligini taʼkidlab oʻtishgan.

• Foydali
• salomatlik