BYD avtomobil bozorida yangi “urush” boshlamoqda. Kompaniya to‘liq quvvatda 2000 km masofa zaxirasiga ega, 100 km uchun 2,9 litr yoqilg‘i sarflaydigan avtomobillar ishlab chiqarishni rejalashtirmoqda.

BYD yaqin vaqtlarda o‘zining yangicha e-Platform 4.0 texnologiyasini taqdim etishni boshlagan. Bu tizim kompaniya avtomobillariga kam sarflab, ko‘p masofa bosib o‘tish imkoniyatini taqdim etishi ko‘zda tutilgan. Jumladan, yangi texnologiyalar orqali BYD 100 km masofaga atigi 2,9 litr yoqilg‘i sarflashi va to‘liq yoqilg‘i baki va tok bilan taxminan 2 ming km masofani bosib o‘tish imkonini beruvchi gibrid avtomobillarini ishlab chiqmoqchi.

Kompaniyaning asosiy maqsadi bu orqali benzinli avtomobillar bozorida yangi “urush boshlash”. BYD kelgusi 3 yil davomida mazkur loyihani amalga oshirib, nafaqat elektromobillar bozorida, balki benzinli avtomobillar bozorida ham yetakchilikni qo‘lga kiritishni rejalashtirgan.

• Avtomobil
• BYD