Rossiyalik bloger Amiran Sardorov Maryam Tillayevaning ota-onasi bilan gaplashmasligi, ammo uning buvisi bilan aloqada ekanligini maʼlum qildi.

Muxlislardan biri Amiranga Maryam Tillayevaga uning badavlat oiladan boʻlgani uchun uylangani yoki yoʻqligi haqida savol bergan. Amiran esa bunga javoban qaynotasi va qaynonasi bilan aloqa qilmasligi aytgan.

“Uning ota-onasi kim ekanligini, uning qanday oiladan ekanligini bilasizlar. Men har doim ochiq boʻlganman, shuning uchun shaxsiy munosabatlar haqida koʻproq narsani aytib berishni istagan boʻlardim, ammo biz ota-onasi bilan gaplashmaymiz. Men paydo boʻlganimdan keyin, ular biz bilan gaplashishni toʻxtatishgan. Sizlarga aytishim mumkin boʻlgan bor narsa shu”, dedi Amiran Sardorov.

“Men rafiqamni baʼzida sevaman, baʼzida “oʻldirib qoʻyish”ni xohlayman. Uning buvisi menga mana shu narsa sevgi ekanligini aytgan. Uning buvisi bilan aloqa qilaman, ota-onasi bilan esa yoʻq”, dedi bloger.

Eslatib oʻtamiz, Islom Karimovning nabirasi Maryam Tillayeva rossiyalik bloger Amiran Sardorov bilan joriy yilning aprel oyida turmush qurgan.

• mashhurlar