Anonymous xakerlari Rossiya Prezidenti Vladimir Putinga qarshi urush ochdi. Xakerlarning so‘zlariga ko‘ra, ular allaqachon Rossiya Mudofaa vazirligi mansabdor shaxslarining elektron pochta manzillari va parollarini buzib, ommaga oshkor qilgan va endi Putin hamda sheriklarining barcha “kirdikorlarni” shaxsan oshkor etish niyatida. Xakerlar Putinning iste’fosini talab qilmoqda.
Anonymous xakerlar guruhining Rossiya prezidenti Vladimir Putinga shaxsan yo‘llangan murojaatni yozib olingan. Ular prezidentning zudlik bilan iste’foga chiqishini talab qilib, Rossiya prezidenti uchun “maxsus operasiya” tayyorlaganliklarini aytishmoqda. Anonymous tegishli videomurojaatni Twitter’da e’lon qildi.
“2018 yilda bizning guruhimiz Roskomnadzor veb-saytini qanday buzib kirganini eslaysizmi? Janob Putin, Afg‘onistonga qanday mag‘lub bo‘lganingiz yodingizdami? Endilikda biz Rossiya Mudofaa vazirligi ma’lumotlarini oshkor qildik. Avval pochta va parollar mavjud edi, hozir esa bu ma’lumotlar bazasi twitter tarmog‘ida ochiq.
Sizning Finlyandiya va Shvesiyaga tahdid qilishga urinishlaringiz sharmandalik. Bu mamlakatlar NATO’ga qo‘shilsa, tahdid qilishingiz mumkin. Bugun biz Federal monopoliyaga qarshi xizmati, Kreml, “Russia Today” veb-saytlari va boshqa rus amaldorlariga tegishli veb-saytlarni ishdan chiqardik”, – deyiladi murojaatda.
Bundan tashqari, xakerlar ko‘p yillar davomida yashirilgan ma’lumotlarni nashr etishi haqida xabar berdi. Anonymous bu ma’lumot Putin va uning “buzuq qo‘g‘irchoqlari” uchun qattiq zarba bo‘lishini ta’kidlagan.
“Siz yolg‘on gapirayotgan, jamiyatdan yashirmoqchi bo‘lgan axloqsizlikni aniqlashimiz faqat vaqt masalasidir. Biz parda ortidagi har bir detalni ko‘rsatamiz. Ukraina xalqining huquqlarini tiklashni talab qilamiz. Iste’foga chiqing”, – deya qo‘shimcha qilingan.
Shuningdek, xakerlar Anonymous’ning barcha a’zolarini “Vladimir Putinning og‘zini o‘z pullari bilan yopishga” chaqirgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!