Yevropa komissiyasi iOS operasion tizimi foydalanuvchilari uchun musiqa striming xizmatlari bozoridagi ustun mavqeyini suiiste’mol qilgani uchun Apple kompaniyasini 1,8 milliard yevrodan ortiq jarimaga tortdi. Bu haqda 4-mart, dushanba kuni e’lon qilingan YEK press-relizida ma’lum qilindi.
Tekshiruv natijalariga ko‘ra, Apple kompaniyasi Yevropa Ittifoqining monopoliyaga qarshi qonunlarini buzgan holda, taxminan 10-yil davomida musiqa strimingi ilovalarini ishlab chiquvchilarga iOS foydalanuvchilarini App Store do‘konidan tashqarida mavjud bo‘lgan muqobil va arzonroq musiqa obuna xizmatlari haqida xabardor qilishni taqiqlab qo‘ygan.
Yevropa komissiyasining press-relizida qayd etilishicha, kompaniya siyosati "foydalanuvchi tajribasi yomonlashuviga" olib kelgan bo‘lishi mumkin, chunki Apple qurilmalari egalari App Store ilovasidan tashqarida yaxshiroq takliflarni izlash uchun murakkab qidiruvlarni amalga oshirishga majbur bo‘lishi kerak edi.
Aytib o‘tish joizki, Apple’ga nisbatan surishtiruv 2019-yilda Spotify striming xizmati tomonidan Amerika kompaniyasi ustidan shikoyat qilinganidan keyin boshlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!