AQSh Kongressining vakillar palatasi Ukrainaga 40 milliard dollar miqdorida qo‘shimcha yordam ko‘rsatish to‘g‘risidagi qonun loyihasini ma’qulladi, deb xabar bermoqda Associated Press. Endilikda tashabbus Senat tomonidan ma’qullanishi kerak, shundan so‘ng u preziden Jo Baydenga yuboriladi.

Ushbu qonun loyihasi Kiyevga harbiy, iqtisodiy va gumanitar yordam uchun mablag‘ ajratishni nazarda tutadi. 6 milliard dollar qurol-aslaha va xavfsizlik, 8,7 milliard dollar iqtisodiy yordam va Ukraina davlat xizmatlarini moliyalashtirish, 5 milliard dollar Ukraina va dunyoning boshqa mamlakatlariga oziq-ovqat yordami uchun va yana 900 million dollar ketadi.

“Ushbu qonun loyihasiga kiritilgan qoʻshimcha resurslar Ukrainaga koʻproq qurol-yarogʻ, masalan, artilleriya va zirhli texnika, shuningdek, oʻq-dorilarni joʻnatish imkonini beradi. Shuningdek, ular bizga arsenallarimizni to‘ldirishda va NATO hududidagi AQSh qo‘shinlarini qo‘llab-quvvatlashda yordam beradi”, – deydi Jen Psaki, AQSh prezidentining matbuot kotibi.

• AQSh
• Harbiy
• Loyiha
• NATO
• Qonun
• Ukraina