AQSh hukumati Ukrainani qo‘llab-quvvatlash uchun har oy 1,5 milliard dollar ajratishga tayyor. Bu haqda AQSh davlat kotibining Yevropa va Yevroosiyo masalalari bo‘yicha yordamchisining birinchi o‘rinbosari Derek Xogan 13-iyun kuni Vashingtondagi Vudro Vilson markazida bo‘lib o‘tgan anjumanda ma’lum qildi.

“Biz bu maqsadlar uchun allaqachon bir milliard dollar ajratdik va 4–5 oy davomida har oyda taxminan 1,5 milliard dollar yuborish niyatidamiz”, – deydi u.

Shuningdek, Derek Xogan Kiyev hukumatini bevosita qo‘llab-quvvatlash AQSh prezidenti Jo Bayden ma’muriyatining ustuvor yo‘nalishlaridan biri ekanligini qo‘shimcha qildi.

Ma’lumot uchun, joriy yil 1-iyun kuni Bayden Ukrainaga yana 700 million dollarlik harbiy yordam paketini taqdim etishini e’lon qildi, bu paketga Amerikaning HIMARS raketa tizimlari va ular uchun snaryadlar kiradi.

Qayd etilishicha, so‘nggi uch oy ichida AQSh Ukrainaga harbiy yordam berish maqsadida umumiy 53,6 mlrd dollar miqdorida mablag‘ ajratgan.

• AQSh
• Harbiy
• Ukraina