Qo‘shma Shtatlar Ukrainaga yana 400 million dollarlik harbiy yordam paketini ajratdi.

Bu haqda AQSh mudofaa vazirligi xabar berdi.

Keltirilishicha, mazkur yordam paketi to‘rtta “Avenger” havo mudofaa tizimini o‘z ichiga oladi.

“Mudofaa vazirligi (DoD) Ukrainaning muhim xavfsizlik va mudofaa ehtiyojlarini qondirish uchun 400 million dollargacha boʻlgan xavfsizlik yordamini Prezident tomonidan ruxsat berilganini eʼlon qiladi”, - deyiladi bayonotda.

Paketga “HAWK” havo mudofaa tizimlari uchun raketalar, to‘rtta “Avenger” havo mudofaa tizimi va “Stinger” raketalari, yuqori harakatchanlikdagi artilleriya raketa tizimlari uchun qo‘shimcha o‘q-dorilar, 100 ta yuqori harakatchan ko‘p maqsadli g‘ildirakli transport vositalari, 21 000 ta 155 mm artilleriya o‘qlari, 10 000 ta 120 mm minomyot o ‘qlari kiritilgan.

AQSh, shuningdek, Ukrainaga 400 ta granata otish moslamalari, o‘q-dorilar va sovuq havodan himoya vositalarini taqdim etadi.

Ma’lumotlarga qaraganda, Qo‘shma Shtatlar prezident Jo Bayden boshqaruvi boshlanganidan beri Ukrainaga xavfsizlik sohasida 19,3 milliard dollardan ortiq yordam ajratdi.

• AQSh
• Rossiya
• Ukraina