Finlandiya bosh vaziri Sanna Marin Avstraliyaning Sidney shahridagi Loui institutida nutq so‘zladi.

Sanna Marin Yevropa Rossiyaning Ukrainaga bostirib kirishiga yakka o‘zi qarshilik ko‘rsatishga yetarli darajada kuchli emasligi va AQSh ko‘magiga tayanishga majbur ekanini aytdi.

Avstraliyaga rasmiy tashrifi chog‘ida NATOga a’zo bo‘lgan davlat rahbari Yevropaning mudofaasini kuchaytirish kerakligini aytdi.

“Men siz bilan rostgo‘y bo‘lishim kerak, yevropa hozir yetarlicha kuchli emas, AQShsiz biz muammoga duch kelamiz, AQSh Ukrainaga eng yirik harbiy yordam ko'rsatuvchi davlat hisoblanadi”, - dedi u.

Ma’lumotlarga ko‘ra, fevral oyida urush boshlanganidan beri u yordam uchun 18,6 milliard dollar ajratgan.

Yevropa davlatlarining harbiy zaxiralari Ukrainaga yetkazib berilayotganda tugab borayotgan bir paytda, Finlandiya vakili Marin Yevropa mudofaasini kuchaytirish uchun ko‘proq ish qilish kerakligini aytgan.

• AQSh
• Finlandiya
• Rossiya
• Ukraina