Britaniyaning “Arrival” startapi elektroavtobus va elektromobil yaratish bo‘yicha ishlarni to‘xtatdi. Bu haqda ishonchli manbalarga tayanib, “Financial Times” nashri xabar berdi. Biroq kompaniya nashrga izoh berishdan bosh tortgan.

Qayd etilishicha, kompaniya o‘z xarajatlarini uch barobar qisqartirishni maqsad qilgan va asosiy e’tiborni elektr furgonlar ishlab chiqarish ishlariga qaratgan. Bu esa “Arrival” yuqori daromad keltirmoqda, deyiladi FT xabarida. Kompaniya furgonlar ishlab chiqarishni 2022 yilning kuzida boshlashni rejalashtirmoqda.

Kompaniya birinchi furgonni 2021 yil mart oyida namoyish etgan. Elektr avtobus loyihasi ilk bor 2020 yilning iyun oyida taqdim etilgan, prototipi esa 2021 yilning noyabrida paydo bo‘lgan. Elektr transport vositalarini rivojlantirish loyihasi furgon va elektr avtobusdan orqada qolmoqda. “Arrival” yana daromad olishni boshlasa, elektr avtomobillar ustida ishlash davom etishi mumkin. Hozirda elektr furgonlar “Uber” transport kompaniyasi bilan hamkorlikda ishlab chiqilmoqda.

Iyul oyida kompaniya Britaniya, Amerika va Yevropa bo‘linmalaridan 800 nafar xodimni qisqartirishi ma’lum bo‘ldi. “Arrival” qiyin iqtisodiy vaziyat tufayli xarajatlarni optimallashtirish uchun ushbu qadamni tashlagan.

Kompaniya asoschisi “Yota” kompaniyasining sobiq rahbari, Rossiya Federasiyasi Telekommunikasiya va ommaviy kommunikasiyalar vazirligi rahbarining sobiq o‘rinbosari, 2013 yildan beri Londonda istiqomat qiluvchi milliarder Denis Sverdlov hisoblanadi.

• Avtomobil
• Buyuk Britaniya
• Elektrobus
• Elektromobil