Kanadalik olimlar ko‘rshapalaklar ustida tadqiqot o‘tkazishdi va “vampir ko‘rshapalaklar” o‘z o‘ljasining qoni yordamida energiya hosil qilishi aniqlandi. Bu hayvonning metabolizmi boshqa ko‘plab sutemizuvchilarnikidan farq qilishi aniqlandi.

Tadqiqot natijalari Biology Letters jurnalida chop etildi.

Tadqiqot uchun Kanadadagi Makmaster universiteti va Toronto universiteti biologlari Belizda 24 ta “vampir ko‘rshapalak” tutishdi va ularga qoramol qoni berildi. Ularni harakatlantirish uchun maxsus yugurish yo‘lagiga qo‘yishdi. Harakatdagi ko‘rshapalaklarning nafas chiqargandagi havosidan namuna olib, tarkibini o‘rganishdi.

Olimlar kislorod va karbonat angidrid nisbatlari ko‘rshapalak harakati tezligidan qat’i nazar o‘zgarmaganini, biroq ularning nafas chiqarayotgan havosida aminokislotalar izlari borligi aniqlashdi. Bu olimlarga boshqa sutemizuvchilarnikidan farqli o‘laroq, ko‘rshapalaklarning asosiy energiya manbayi sifatida qon ishlatilayotganini taxmin qilishga sabab bo‘ldi.

Tadqiqotchilarning so‘zlariga ko‘ra, bu metabolizm o‘ziga xos parhez ta’siri ostida qanchalik o‘zgarishi mumkinligini ko‘rsatadi, ya’ni “vampir ko‘rshapalaklar” o‘z oziq-ovqatlaridan juda kam miqdorda uglevod va yog‘ oladi. Bundan tashqari, ichilgan qon ularning tana o‘lchamini deyarli ikki barobar oshirishga imkon beradi.

• Birinchi jahon urushi
• Kanada
• Olimlar
• Yangilik
• tadqiqot