Xitoy kompaniyasi “Askiya” bozor kompleksi uchun 225 mlrd so‘mlik savdolarda g‘olib chiqdi. Ushbu auksion 15 daqiqa davom etgan va bitta taklifdan so‘ng yakunlangan. Tenderda g‘oliblikni Sheng - Ke International kompaniyasi qo‘lga kiritgan.

Qayd etilishicha, kompaniya 225 mlrd 595 mln so‘m belgilangan boshlang‘ich narxidan 5 foiz ko‘proq taklif qilgan.

Ma’lumotlarga ko‘ra, ushbu kompaniya 2024-yil may oyida ro‘yxatdan o‘tgan. Ustav fondi esa 68 mlrd so‘mni tashkil etadi. U ixtisoslashtirilgan qurilish ishlari bilan shug‘ullanadi.

Eslatib o‘tamiz, investorga quyidagi talablar qo‘yilgan edi:

– maydoni kamida 3000 kvadrat metr bo‘lgan ekobozor qurish;

– kamida 1200 kvadrat metr maydonga ega sovutgich omborini qurish;

– yerosti avtoturargohining birinchi qavatini (kamida 400 o‘rinli) kompaniya mulkiga bepul o‘tkazish.

Ushbu loyiha katta savdo majmuasini o‘z ichiga oladi. Hududida velosiped parklari va zamonaviy skameykalar, Wi-Fi zonalari, aholi uchun dam olish joylari, nogironlar uchun eskalatorlar va yashil maydonlar mavjud bo‘ladi.

Bundan tashqari, yangi bozor yonida 4 yulduzli mehmonxona quriladi.

Loyiha davomida 1000 dan ortiq yangi ish o‘rinlari yaratilishi kutilmoqda.

• Bozor
• Toshkent