Joriy yilning 25-martidan 21-apreliga qadar Qoraqalpog‘iston Respublikasi va barcha viloyatlarda pedagog kadrlar uchun malaka (test) sinovlari o‘tkaziladi.

Qayd etilishicha, malaka (test) sinovlarida ishtirok etuvchi pedagoglar ro‘yxati fanlar kesimida guruhlarga ajratilib, hududiy ta’lim boshqaruv organlari tomonidan ta’lim muassasalariga yetkazilgan. Mazkur jadvallarda har bir o‘qituvchining sinovlarga kirish vaqti aniq ko‘rsatilgan.

“Ob-havo sharoitidan kelib chiqqan holda, ortiqcha ovoragarchilik va kutib qolishning oldini olish maqsadida attestasiya sinovlariga shaxsni tasdiqlovchi  hujjatlar (pasport va murojaat yuborishda to‘ldirilgan so‘rovnoma) bilan o‘zingiz uchun belgilangan vaqtdan yarim soat oldin yetib kelishingiz yetarli ekanligi ma’lum qilamiz”, – deyiladi xabarda.

Ta’kidlanishicha, sinovlarga kiruvchi har bir talabgor ichki ishlar va milliy gvardiya xodimlari tomonidan tekshiriladi. Bundan tashqari jarayonda shaffoflikni ta’minlash uchun mahalliy deputatlar, huquqni muhofaza qilish organlar xodimlari hamda keng jamoatchilik vakillari taklif etilgan.

Agar sizga kimdir ma’lum miqdordagi to‘lov evaziga malaka (test) sinovlarida yordam berishni taklif qilsa, darhol huquqni muhofaza qiluvchi organlarga murojaat etishingizni so‘raymiz.

• O‘qituvchi
• attestatsiya