Avstraliyada so‘nggi ikki hafta ichida koronavirusdan kunlik o‘lim holatlari keskin kamaygan. Chunki hukumat, maktab o‘quvchilari va talabalar orasida infeksiyaning tarqalish oqimiga qarshi choralar ko‘rgan.

Ta’kidlash joizki, dunyo bo‘yicha koronavirusning omikron shtammi eng tez tarqalayotgan mamlakatlar ichida Avstraliya yetakchilik qiladi. Ammo hukumat pandemiya keng tarqalmasligi uchun zarur cheklovlarni e’lon qilgan. Shu boisdan, yaqin orada maktablarda o‘quv jarayonlari yana davom etishi mumkin. 

Shuningdek, jamoat joylarida kattalar uchun niqob taqib yurish majburiy hisoblanadi va koronavirus testlari mamlakatdagi barcha oilalarga bepul tarqatiladi. Shu sababli, bolalarni har hafta ikki martadan COVID-19’ni aniqlovchi testlardan o‘tkazish talab qilinadi.

Avstraliya aholisining uchdan ikki qismi to‘liq vaksinatsiya qilingan. Xususan, 2022-yil 31-yanvar holatiga ko‘ra, umumiy 34 ming fuqaroda koronavirus infeksiyasi aniqlangan. Yanvar oyida jami 44 ta o‘lim holati kuzatilib, eng past ko‘rsatkich qayd etilgan.
Ta’kidlanishicha, hukumat omikron shtammining zanjirini uzish uchun yangi chora-tadbirlarni joriy qiladi. 

Ma’lumot o‘rnida, pandemiya boshlanganidan buyon Avstraliyada 2,5 milliondan ortiq koronavirusga chalinish holatlari kuzatilgan bo‘lib, undan qariyb 4 ming kishi halok bo‘lgan.

• Avstraliya
• Jahon
• koronavirus