Bu haqda xalqaro tennis federatsiyasining rasmiy veb-saytida xabar berilgan. Marosim 23-avgust kuni Nyuport shahrida bo‘lib o‘tdi.

Sharapovaga nufuzli sovrinni jahonning sobiq birinchi raketkasi Serena Uilyams taqdim etdi.

Marosim vaqtida sportchining yaqinlari ham ishtirok etdi va ular ko‘z yoshlarini tiyib tura olmadi. Tennischi o‘z nutqida otasiga murojaat qilib, shunday dedi:

“Hech kim bizga ishonmaganda ham siz doimo ishonasiz. Siz o‘z qarorlaringizga ishonchingiz komil edi. To‘g‘ri qattiqqo‘l edingiz, har doim o‘z ustimda ko‘proq ishlashimni kutgansiz. Lekin hech qachon ota ekanligingizni yoddan chiqarmadingiz” -deya nutq so‘zladi sportchi.

38 yoshli Mariya Sharapova Yevgeniy Kafelnikov va Marat Safindan keyin katta tennisning Shon-shuhrat zaliga uchinchi rossiyalik bo‘ldi. Mazkur nufuzli dargohga hozirgi kunda 28 ta mamlakatdan 270 nafar sportchi kiradi.

Rossiyalik sportchi dunyodagi birinchi raketka ustasi bo‘lishga erishgan va barcha katta dubulg‘a musobaqalarida g‘olib chiqqan yagona rossiyalik tennischi hisoblanadi. U faoliyatini 2020-yilda yakunlagan.

• Ota-ona
• Rossiya
• Sport
• Tennis