Bugun, 25-yanvar kuni AQSH rezidenti Jo Bayden Ukrainaga Abrams tanklarini yetkazib berish qarorini e’lon qiladi. Bu haqda AQSH ma’muriyatining o‘zini oshkor etmagan vakiliga tayanib, “Al Jazeera” telekanali xabar berdi.

“Prezident Bayden “Abrams” tanklarini Ukrainaga yetkazib berish qarorini qiladi”, – deya amerikalik rasmiyning so‘zlaridan iqtibos keltiradi “Al Jazeera”.

Telekanal suhbatdoshiga ko‘ra, Vashington Kiyevga bermoqchi bo‘lgan tanklar “Pentagon omborlaridan olinmaydi, ular bilan shartnoma tuziladi”.

24-yanvar kuni “The Wall Street Journal” nashri manbalarga tayanib, AQSH ma’muriyati Abrams tanklarining katta qismini Ukrainaga o‘tkazish tarafdori ekanini ma’lum qilgan. Vashingtonning bu qadami Germaniya bilan kelishuvning bir qismi bo‘lib, unda Kiyevga oz sonli nemis “Leopard 2” tanklarini ajratish, shuningdek boshqa mamlakatlar Berlinning Polsha tomonidan Germaniyada ishlab chiqarilgan tanklarni yetkazib berishga roziligi ko‘zda tutilgan.

“The Wall Street Journal” nashri ortidan “Politico” AQSH Ukrainaga harbiy yordam sifatida kamida 30 ta “Abrams” tankini yuborishi mumkinligini xabar qildi. AQSH ma’muriyatining ikki vakili nashrga yetkazib berish haqida e’lon shu haftadayoq ommaga havola qilinishi mumkinligini aytdi. Gazetaning yozishicha, harbiy texnika AQSHning mavjud zaxiralaridan ajratilmagan holda sotib olinadi.

• AQSh
• Ukraina