Amerikalik supermodel Bella Xadid 2022-yilning eng yaxshi modeli deb topildi. 27 yoshli Xadid suratkashlar, dizaynerlar, muharrirlar va stilistlar ishtirok etgan soʻrovnomada yetakchi boʻlgan.

Soʻrovnomada qatnashgan internet foydalanuvchilarining aksariyati ham Bella Xadid uchun ovoz bergan.

2022-yilda taniqli supermodel koʻplab mashhur brendlar – Balenciaga, Adidas, Victoriaʼs Secret, Miu Miu, Swarovski kompaniyalari bilan hamkorlik qilgan. Bu esa uning hamkasblari orasida yetakchi boʻlishini taʼminlab bergan.

Reytingning ikkinchi oʻrnini italiyalik top-model Viktoriya Cheretti band etdi. Uchinchi oʻrindan esa janubiy sudanlik model Adut Akech joy olgan.

Kelib chiqishi gruziyalik boʻlgan model Matilda Gvarliani “Yil yangiligi” deya eʼtirof etildi. 22 yoshli model joriy yilda Fendi, Chanel, Carolina Herrera va Rokh namoyishlarida ishtirok etgan.

• Shou-biznes
• mashhurlar