Bugun, 27-may kuni “O‘zbekneftgaz”ga qarashli AYOQSHlarda Ai-80 markali benzin narxi ko‘tarilgani, bunga birjadagi narxlarning oshgani sabab bo‘lgani aytilgandi.
O‘zbekiston respublika tovar-xom ashyo birjasining maʼlum qilishicha, joriy yilning so‘nggi oylarida AI-80 markali avtomobil benzini bozorida talab va taklifning nomutanosibligi kuzatilmoqda.
Xususan, joriy yil yanvar oyida sotuvchi korxonalar har kuni birja savdolariga o‘rtacha 4 307 tonna AI-80 markali benzinini qo‘yib kelishgan bo‘lsa, may oyida ushbu ko‘rsatkich 3 022 tonnagacha (30 foizga) pasayib ketgan.
Shu jumladan, joriy yil may oyining o‘tgan davrida “Buxoro NQIZ” MCHJ tomonidan birja savdolariga mahsulot qo‘yish hajmlari aprel oyining mos davriga nisbatan 15 foizga pasaygan.
“Shu bilan birga, ayni paytda birja savdolariga qo‘yilayotgan benzin to‘liq hajmda sotilmoqda. Bu, o‘z navbatida, ushbu mahsulotga bo‘lgan talab yuqori darajada ekanligidan dalolat beradi.
Shu munosabat bilan birjaning mazkur segmentida kichik tebranishlar kuzatilmoqda. Jumladan, joriy yil may oyida AI-80 markali benzinning birjada shakllangan o‘rtacha narxi mahsulotning bir tonnasi uchun 8 208,9 ming so‘mdan 8 345,1 ming so‘mgacha, yaʼni 2 foizga ko‘tarilgan”, – deyiladi O‘zRTXB maʼlumotida.
Eslatib o‘tamiz, turli manbalarda keltirilishicha avtomobil benzinning bir tonnasi o‘rtacha 1293-1370 litrni tashkil qiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!