Prezident topshirig‘iga binoan amalga oshirilayotgan loyiha yoshlar o‘rtasida texnika ta’limi nufuzini oshirishga qaratilgan. Prezident yordamchisi Saida Mirziyoyevaning ta’kidlashicha, universitet xalqaro standartlarga mos muhandislarni tayyorlash ekotizimini yaratadi.

Ta’kidlanishicha, Tashkent Tech Toshkent davlat texnika universiteti negizida Boston Consulting Group ko‘magida bosqichma-bosqich ishga tushiriladi. Ushbu loyiha jahonning ilg‘or amaliyotlarini sanoat va innovatsion rivojlanishimiz ehtiyojlariga moslashtirgan holda integratsiya qilish imkonini beradi.

“Tashkent Tech shunchaki oliy o‘quv yurti emas, balki O‘zbekistonning texnologik suvereniteti va barqaror industrial o‘sishining harakatlantiruvchi kuchiga aylanadi, deb ishonaman”, – deydi Saida Mirziyoyeva.

• Universitet