“Beqaror” seriali yulduzi Ebru Shahin sportchi Jedi Osman bilan unashtirildi. Unashtiruv marosimi ikki yoshning yaqinlari davrasida oʻtkazilgan.

Ijodkor marosimdan olingan suratlarni oʻzining Instagram sahifasiga joylagan. Ebruning unashtiruv uchun tanlagan libosi esa muxlislarning tanqidiga uchragan. Aktrisaning obunachilari ushbu libos unashtiruv marosimiga mos emasligi haqida fikr bildirganlar.

Muxlislarning ayrimlari libosni “gʻalati” deya taʼriflagan boʻlsa, ayrimlarga koʻylakda bir nechta uslub elementlari qorishtirib yuborilgani maʼqul kelmagan.

Eslatib oʻtamiz, Ebru Shahin va Jedi Osmanning toʻyi joriy yilning yoz faslida boʻlib oʻtadi.

• Kino
• mashhurlar