Xabar berilishicha, Hillari Klintonning Kongressga so‘roqqa chaqirilishi 9-oktyabrga, uning turmush o‘rtog‘i Bill Klintonniki esa 14-oktyabrga belgilangan. Ularning ikkalasi ham Jeffri Epshteyn bilan tanish bo‘lgan, xususan, Bill Klinton 2002 va 2003-yillarda moliyachi Epshteynning shaxsiy samolyotida uchgan va uning Nyu-Yorkdagi xonadoniga tashrif buyurgan.

Shuningdek, FQBning ikki sobiq rahbari — Jeyms Komi va Robert Myuller, hamda bir nechta sobiq bosh prokurorlar ham Epshteyn ishi bo‘yicha yopiq eshiklar ortida so‘roq qilish uchun chaqiruv qabul qilishgan. Ularning so‘roq jarayoni 18-avgustdan boshlanishi rejalashtirilgan.

Amerikalik moliyachi Jeffri Epshteyn odam savdosida ayblangan. U 2019-yilda hibsga olingach, qamoqxonada vafot etgan.

Epshteyn ishi Tramp tarafdorlari orasida bo‘linishga sabab bo‘ldi. Prezidentlik saylovlari arafasida Tramp “Epshteynning mijozlari ro‘yxati”ga egaligini, bu ro‘yxatda demokratlar ham bo‘lishi mumkinligini aytgan va uni e’lon qilishga va’da bergan edi. Biroq 2025-yil iyul oyida Tramp ma’muriyati “Epshteynning mijozlari ro‘yxati” mavjud emasligini ma’lum qildi, bu esa prezidentning ayrim tarafdorlarini g‘azablantirdi.

• AQSh
• Kongress
• tergov